Thursday, September 17, 2020

தட்டி எழுப்பிய புத்தகங்கள் - 1

தெளிவாக இருக்கும்போது படிக்க ஆரம்பித்தால் கொட்டாவி விடவைக்கும் புத்தகங்கள் நிறையவே உண்டு. ஆனால் தூக்க கலக்கத்தில் படிக்க ஆரம்பித்து தூக்கத்தை தொலைக்க வைத்த புத்தகங்கள் சிலவும் உண்டு. இந்த பிளாகின் நெடிய தூக்கத்தை தொலைக்க வைத்த புத்தகங்களைப் பற்றியவைதான் இந்த தொடர் பதிவுகள்.

Zagor(சகோர்) போனெல்லி குழுமத்திலிருந்து 1961-முதல் வரும் ஒரு கதைத்தொடர். குரோவேசியா மற்றும் செர்பியாவிலும் இந்த கதைத்தொடர் பிரபலம் என்று விக்கிபீடியா சொல்கிறது.

2015-முதல் ஆங்கிலத்தில் இந்தத்தொடர் வந்து கொண்டிருக்கிறது. இது வரை ஐந்து புத்தகங்கள் வந்திருக்கிறது.  போனெல்லி குழுமத்திலிருந்து வரும் கதைத்தொடர் என்பதால் இந்த புத்தகங்களை வாங்கி வருகிறேன். 

முதல் நான்கு புத்தகங்களை வாங்கவிரும்புவோருக்கு லிங்க் கீழே:

https://www.amazon.com/Zagor-Terror-Mauro-Boselli-Writer/dp/1942592027/ref=sr_1_1?s=books&ie=UTF8&qid=1516363189&sr=1-1&keywords=zagor+epicenter





https://www.amazon.com/Zagor-Sand-Guido-Nolitta-Writer/dp/1942592035/ref=sr_1_3?s=books&ie=UTF8&qid=1516363189&sr=1-3&keywords=zagor+epicenter





https://www.amazon.com/Zagor-Voodoo-Vendetta-Mauro-Boselli/dp/1942592078/ref=sr_1_6?s=books&ie=UTF8&qid=1516363189&sr=1-6&keywords=zagor+epicenter





https://www.amazon.com/Zagor-Supermike-Guido-Nolitta-Writer/dp/1942592108/ref=sr_1_7?s=books&ie=UTF8&qid=1516363189&sr=1-7&keywords=zagor+epicenter




இவர் கொஞ்சம் வித்தியாசமான ஹீரோ. இவர் காட்டிலே வசித்தாலும் குதிரை ஓட்ட மாட்டார். எங்கே போவதென்றாலும் "நட"ராஜாதான். டெக்ஸ் வில்லருக்கு ஒரு கார்சன் போல், இவருக்கும் ஒரு துணை உண்டு. கார்சன் போலவே எப்போதும் புலம்பிக்கொண்டே இருப்பார். அவரைப்போலவே இவரும் சாப்பாட்டு பிரியரும் கூட. ஆனால் எதாவது பிரச்சினை என்றால் இவர் "S" ஆகிடுவார்.

முதலில் வந்த நான்கு கதைகளும் ஓரளவுக்கு நன்றாக இருந்தாலும் பிரமாதம் என்று சொல்வதற்கில்லை. இந்த தொடர் தேறுமா என்றுதான் யோசித்தேன். இருந்தாலும் இன்னமும் வந்துகொண்டிருக்கும் ஒரு தொடர் என்பதாலும், போனெல்லி குழுமமென்பதாலும் ஐந்தாவது புத்தக விளம்பரம் வந்தபோது ரொம்பவும் யோசிக்கவில்லை. ஆர்டர் செய்துவிடலாம் என்றுதான் முடிவுசெய்தேன். ஆனால் பதிப்பகத்தார் போட்ட கூக்லியை நான் எதிர்பார்க்கவில்லை. 

ஐந்தாம் புத்தகம் மூன்று வேறுபட்ட அட்டைப்படங்களுடன் வரும் என்ற அறிவிப்புதான் அது. 

புத்தகத்திற்கு மூன்று அட்டைப்படங்களை பார்த்தபோது எரிச்சல்தான் வந்தது. இந்த மொக்கை தொடருக்கு இதெல்லாம் அவசியம்தானவென்று. சாட் பூட் த்ரீ போட்டு அதில் ஒரு அட்டைப்படத்தை செலக்ட் செய்து, அத்துடன் மேலும் பல புத்தகங்களுக்கு ஆர்டரும் போட்டுவிட்டேன். கொஞ்ச நாளில் புத்தகமும் வந்து சேர்ந்தது. ஆனால் இந்த புத்தகத்தை மட்டும் உடனே படிக்கவில்லை. கடைசி புத்தகமாகத்தான் படிக்க எடுத்தேன்.

நான் புத்தகம் படிப்பது சாதாரணமாக இரவு தூங்கும் முன்னர்தான்.  காமிக்ஸாக இருந்தால் சுமார் 100 பக்கங்கள் ஒரு இரவில் படிப்பேன். மிகவும் களைப்பாக இருந்தால் இதில் பாதிதான் முடியும். இந்த புத்தகம் வேறு மொத்தம் 288 பக்கங்கள் என்பதால் படிப்பதை தள்ளிப் போட்டுக்கொண்டே இருந்தேன். அது எவ்வளவு பெரிய தவறென்பது படிக்க ஆரம்பித்த பின்னர்தான் தெரிந்தது.

இந்த புத்தகத்துக்கு விமர்சனமாக நாம் சொல்ல விரும்புவது இவ்வளவுதான்.

இரவு பதினோரு மணிக்கு படுத்துக்கொண்டு படிக்க ஆரம்பித்து, 15 நிமிடங்களில் எழுந்து உட்கார்ந்து கொண்டு படித்தேன், எங்கே படுத்துக்கொண்டே படித்தால் இன்றைக்கே படிக்க முடியாமல் தூங்கி விடுவேனோ என்று. புத்தகத்தை படித்து முடிக்கும்போது காலை மணி 3.15. அதன் பின்னர் அந்த பாதிப்பில் இருந்து மீண்டு தூங்கப்போகும்போது காலை மணி 5.3௦.

கதை என்ன எப்படி இருந்தது என்பதையெல்லாம் நீங்களே வாங்கி படித்து தெரிந்து கொள்ளுங்கள்.

https://www.amazon.com/Zagor-1000-Faces-Rubini-cover/dp/1942592167/ref=sr_1_9?dchild=1&keywords=zagor+epicenter&qid=1600318053&s=books&sr=1-9




(இந்த பதிவில் இதுவரை உள்ளது 2௦18இல் எழுதியது. கீழே உள்ளது சமீபத்தில் எழுதப்பட்டது)

இந்த தொடரின் அடுத்த இரண்டு புத்தகங்கள்(இரண்டுமே அட்டகாசமான புத்தகங்கள், விமர்சனம் விரைவில் - ஆனால் எனக்கே நம்பிக்கை இல்லை :-)): 

https://www.amazon.com/Zagor-Origins-Guido-Nolitta-Writer/dp/1942592213/ref=sr_1_8?dchild=1&keywords=zagor+epicenter&qid=1600318197&s=books&sr=1-8




https://www.amazon.com/Zagor-Alien-Saga-Ferri-cover/dp/1942592310/ref=sr_1_6?dchild=1&keywords=zagor+epicenter&qid=1600318197&s=books&sr=1-6





இந்த தொடரின் சமீபத்திய புத்தகம்.

https://www.amazon.com/Zagor-Jaws-Madness-Ferri-cover/dp/1942592353/ref=sr_1_2?dchild=1&keywords=Zagor+epicenter&qid=1600317718&s=books&sr=1-2




Covid-19 பட்ஜெட் காரணமாக இந்த புத்தகம் வாங்குவது தள்ளிப் போய்க்கொண்டே இருக்கிறது. ஆனால் கூடிய சீக்கிரம் வாங்கும் வேளை பிறக்கும் என்று நம்புகிறேன்.

மீண்டும் சந்திப்போம்!!!

 


Wednesday, February 28, 2018

சமீபத்தில்(22 Feb 2018) புதிய தலைமுறை  இதழில் "காமிக்ஸ் உலகின் மறுமலர்ச்சி" என்ற தலைப்பில் கிங் விஷ்வா எழுதிய கட்டுரை:

செப்டம்பர் 2007. கத்தார்.

தமிழ்நாட்டில் பிறந்து வளர்ந்துபிறகு சிங்கப்பூர் நாட்டுக் குடியுரிமை பெற்று அங்கேயே தங்கிவிட்ட தயாளன், 2006 முதல்இரண்டு ஆண்டுகளாக கத்தாரில் ஒரு நிறுவனத்தில் பணிபுரிந்து வந்தார்அந்த நிறுவனத்தின் புராஜெக்ட் வேலைகள் டிசம்பர் மாதம் முடியப் போகின்றன என்று அவருக்கு அன்றுதான் தகவல் வந்ததுசிங்கப்பூருக்கு உடனடியாகத் திரும்பிச் செல்லப் போவதில்லை என்று அவர் ஏற்கெனவே முடிவெடுத்து இருந்ததால்அடுத்து என்ன செய்யலாம்எந்த நாட்டிற்குப் போகலாம் என்று யோசித்துக்கொண்டு இருந்தார்.

அன்றிரவு தனது கணினியில் சில ஃபைல்களைப் பார்த்துக் கொண்டிருந்தார்பிரபல தமிழ் காமிக்ஸ் கதாபாத்திரங்களான இரும்புக்கை மாயாவிலாரன்ஸ் - டேவிட்ஜானி நீரோஸ்பைடர்இரும்பு மனிதன் ஆர்ச்சி ஆகியோரைப் பற்றிய சில புத்தகங்களைப் பார்த்துக் கொண்டிருந்தார்தயாளனின் சிறப்பு அம்சமேஇந்தக் கதைகளைப் பற்றிய பின்னணி விவரங்களைச் சேகரிப்பதுதான்அப்போதுதான் அவருக்குள் ஒரு மின்னல் தோன்றியதுமேலே குறிப்பிட்ட முக்கியமான காமிக்ஸ் நாயகர்கள் இங்கிலாந்தில் உருவாக்கப்பட்டவர்கள்அவர்களது கதைகளில் இன்னமும் பெரும்பாலான கதைகள் தமிழில் வராமல் இருக்கின்றன என்பதை உணர்ந்த தயாளன்இங்கிலாந்திற்குச் செல்வது என்று முடிவெடுத்தார்.

மூன்றாவது வாரத்திலேயே லண்டனில் ஒரு பெரிய நிறுவனத்தில் அவருக்கு வேலை கிடைத்துவிட்டதுஆனால்வேலைக்குச் சேரும்போது தயாளன் சில நிபந்தனைகளை விதித்தார்.

வாரத்தில் நான்கு நாட்கள் மட்டும்தான் அலுவலகத்திற்கு வந்து வேலை செய்வேன்தேவைப்பட்டால்ஐந்தாவது நாளில்கணினி மற்றும் கைபேசி மூலமாகத் தொடர்புகொள்ளுங்கள்’ என்றார்.

இப்படியாகஒவ்வொரு வாரமும் வெள்ளிசனி மற்றும் ஞாயிறு ஆகிய மூன்று நாட்கள் அவருக்கு கிடைத்தனமுதலில்தமிழில் பிரபலமான காமிக்ஸ் நாயகர்களின் முழுமையான லிஸ்ட்டை உருவாக்கினார் தயாளன்அதன் பின்னர்தமிழில் வந்த கதைகளை தனியாக குறித்தார்வராத கதைகள் எந்தெந்த இதழ்களில் எப்போது முதல் தொடராக வந்தன என்பதையும் குறித்தார்பின்னர் வேட்டையில் இறங்கினார்ஒவ்வொரு இடமாகச் சென்று தேடுவதற்காகஒரு காரையும் வாங்கினார்.

தொடர்ச்சியாக ஒவ்வொரு வார இறுதியிலும் பிரிட்டனின் புத்தகச் சந்தைபழைய புத்தக விற்பனைச் சந்தைவிற்பனை அங்காடிகள்பழைய புத்தகக் கடைகள் என்று தேடினார்இரண்டு ஆண்டுகளுக்கும் மேலாகத் தொடர்ந்த இந்த தேடலின் முடிவில் அவர் தனது லிஸ்ட்டில் இருந்த 1,500-க்கும் மேற்பட்ட காமிக்ஸ் புத்தகங்களை வாங்கிக் குவித்தார்இங்கிலாந்தின் பிரபலமான காமிக்ஸ் படைப்பாளிகள்பத்திரிகை எடிட்டர்கள்வரலாற்று ஆய்வாளர்கள் என்று அனைவரையும் சந்தித்துதான் வாங்கிய புத்தகங்களுக்கான பின்னணி விவரங்களையும் திரட்டினார்.

இப்படியாகமூன்று ஆண்டு கால காமிக்ஸ் வேட்டையில் இவர் செலவழித்த பணம் எவ்வளவு தெரியுமாஇந்திய ரூபாய் மதிப்பில்ஏறக்குறைய கால் கோடி ரூபாய். 2008-இல் ஆரம்பித்த இந்தத் தேடல் 2010-இல் நிறைவு பெற்றதுதனது லிஸ்ட்டில் இருந்த அனைத்துப் புத்தகங்களையும் வாங்கிய பிறகுமுதல் வேலையாகதனது வேலையை ராஜினாமா செய்துவிட்டு சிங்கப்பூருக்குத் திரும்பிவிட்டார்.

அடுத்த சில மாதங்களில்சிங்கப்பூரில் புதிய வேலையில் செட்டில் ஆனதும்தினமும் ஒரு புத்தகம் என்ற வகையில்தான் வாங்கிய அனைத்து காமிக்ஸ் புத்தகங்களையும் ஸ்கேன் செய்து முடித்தார்தயாளன்அவை அனைத்துமே நாற்பதுஐம்பது ஆண்டு கால பழைய புத்தகங்கள் என்ப தால்அவற்றை போட்டோஷாப் பில் சரி செய்துஉயர் தரத்தில்அச்சிடும் வகையில் மாற்றினார்ஒரு மாதம் லீவு எடுத்துக்கொண்டு இந்தியாவிற்குக் கிளம்பினார்.

தமிழில் அப்போது ‘லயன் காமிக்ஸ்’, ‘முத்து காமிக்ஸ்’ மற்றும் ‘காமிக்ஸ் கிளாசிக்ஸ்’ என்று மூன்று மாத இதழ்களை சிவகாசியைச் சேர்ந்த பிரகாஷ் பப்ளிஷர்ஸ் நிறுவனம் வெளியிட்டு வந்ததுஆனால்விற்பனையில் தொய்வு ஏற்பட்டு இருந்த நிலையில்மாதம் ஒரு புத்தகம் என்ற நிலைமை போய்வருடத்திற்கு ஒரு புத்தகம் என்ற அபாயகரமான நிலைமை உருவாகி இருந்தது வருடத்திற்கு மூன்று இதழ்களின் கூட்டாக 30 புத்தகங்கள் வரவேண்டிய நிலையில், 2007-இல் மொத்தம் 5 காமிக்ஸ், 2008-இல் 9 காமிக்ஸ், 2009-இல் 5 காமிக்ஸ் என்று சுருங்கிகடைசியில் 2010-இல் ஒரே ஒரு புத்தகம், 2011-இல் இரண்டே இரண்டு என்ற நிலைமையில் இருந்ததுஇந்நிலையில் பழைய கதாநாயகர்களான இரும்புக்கை மாயாவிலாரன்ஸ் - டேவிட்ஸ்பைடர்இரும்பு மனிதன் ஆர்ச்சி ஆகியோரது கதைகள் வந்தால்விற்பனையில் ஒரு புத்துயிர் கிடைக்கும் என்று நம்பினார் தயாளன்.

20 ஆண்டுகளுக்கும் மேலாக உலகின் பல நாடுகளில் நடைபெறும் புத்தகக் கண்காட்சிகளுக்குத் தொடர்ச்சியாக செல்பவர் என்பதால்அவருக்கு சென்னைப் புத்தகக் காட்சியில் பங்கேற்பதன் முக்கியத்துவம் தெரியும்தனது 2 நண்பர்களுடன் இணைந்துலயன் காமிக்ஸ் நிறுவனத்திற்காக ஒரு ஸ்டாலை வாடகைக்குப் பேசிஅதற்கான தொகையைச் செலுத்திவிட்டு சிவகாசிக்குப் புறப்பட்டார்.

தயாளனின் விடாமுயற்சியின் காரணமாகலயன் காமிக்ஸ் நிறுவனம் 2012-ஆம் ஆண்டு ஜனவரி மாதம் சென்னையில் நடந்த புத்தகக் காட்சியில் பங்கேற்க முன்வந்தார்கள்அது மட்டுமல்லஅதுவரையில் தமிழில் வெளிவராத இரண்டு இரும்புக்கை மாயாவியின் கதைகளைக்கொண்ட ‘கம் பேக் ஸ்பெஷல்’ என்று நூறு ரூபாய் புத்தகமும் அச்சிடப்பட்டதுஇதற்காக தயாளன்ஒரு மாதம் விடுப்பு எடுத்து வந்ததோடில்லாமல்தனது இரு நண்பர்களையும் அழைத்து வந்தார்தொழில்முறை மருத்துவரான அந்த நண்பருடன் இணைந்துஇந்த மூவரும் புத்தகக் காட்சியில் ஒரு புதிய பாதையை வகுத்துதமிழ் காமிக்ஸ் உலகில் ஒரு மறுமலர்ச்சியை உருவாக்கினார்கள்.

புத்தகக் காட்சியின் உள்ளே நுழையும்போதே இரும்புக்கை மாயாவியின் படம் மற்றும் ஸ்டால் எண் விவரங்களை முதல் விளம்பரப் பலகையில் வரவழைத்ததுசந்தாவுக்கான படிவங்களை தயார் செய்ததுவாசகர்களின் தொடர்பு எண்முகவரியை வாங்கியதுஊடகங்கள்பத்திரிகைகளில் பேட்டிசெய்திகள் வரவழைப்பது என்று தயாளன் தொடர்ச்சியாக செயல்பட்டார்.

15 ஆண்டுகளாக விற்காமல் இருந்த பழைய காமிக்ஸ் புத்தகங்களை இரண்டு வாரங்களில் விற்றுத் தீர்க்க வகை செய்தார்.

பழைய காமிக்ஸ் சூப்பர் ஸ்டார்களான இரும்புக்கை மாயாவிலாரன்ஸ் - டேவிட்ஜானி நீரோ மற்றும் ஸ்பைடர் ஆகியோரது கதைகளை மறுபதிப்பு செய்வதற்குத் திட்டமிட்டபோதுபதிப்பாளரிடமே பழைய பிரதிகள் இல்லாமல் இருக்கமறுபடியும் உதவிக்கு வந்தார் தயாளன்அவர்தான் முதல் 22 புத்தகங்களைக் கொடுத்துஅவரது நண்பர் மூலமாக ஸ்கேன் செய்து உதவினார்.

மாற்றத்திற்கான விதையை விதைத்த தோடில்லாமல்அது தொடர்ந்து வளரவும் வகை செய்தார்தயாளன்கடந்த மூன்று ஆண்டுகளாகசிங்கப்பூரில் இருக்கும் 22 நூலகங்களுக்கும் அனைத்து காமிக்ஸ் புத்தகங்களையும் தனது சொந்தச் செலவில் வாங்கிக் கொடுத்து வருகிறார்அது மட்டுமில்லாமல்சிறுவர் இதழ்கள்தமிழின் மிக முக்கியமான சிறுவர் இலக்கியப் புத்தகங்களையும் இந்த நூலகங்களுக்குப் பரிசாக அளித்து வருகிறார்.

தமிழில் மட்டும் எழுபதிற்கும் மேற்பட்ட காமிக்ஸ் சார்ந்த வலைப்பூக்கள் உள்ளனஇவர்கள் அனைவருக்குமே முன்னோடி தயாளன்தான்தேவைப்படுபவர்களுக்கு என்று அவரே முன்வந்து பல உதவிகள் செய்துள்ளார்.

ஒவ்வொரு காலகட்டத்திலும் குறிப்பிட்ட ஒரு துறையில்படைப்பாளிகள்புத்தக வெளியீட்டாளர்களைக் கடந்துஅந்தத் துறையின் மீது அளவில்லாத அக்கறை கொண்ட தனி மனிதர்கள்தான் அந்தத் துறையையே அடுத்த கட்டத்திற்கு அழைத்துச் செல்கிறார்கள்அப்படி தயாளனின் விடாமுயற்சியின் விளைவாகத்தான் இன்று தமிழ் காமிக்ஸ் இந்த நிலையில் உள்ளது.


காமிக்ஸ் களஞ்சியம்
தமிழில் மட்டுமில்லாமல்உலகின் பல நாடுகளில் இருந்து வெளியான காமிக்ஸ் புத்தகங்களை சேகரித்து வைத்துள்ளார் தயாளன்இத்தாலிபிரான்ஸ்பெல்ஜியம்ஜப்பான்அமெரிக்காகனடாஇங்கிலாந்துஇலங்கைஆஸ்திரேலியாநியூசிலாந்துஸ்வீடன்ஜெர்மனி என்று ஏகப்பட்ட நாடுகளில் காமிக்ஸ் வேட்டையாடி இருக்கும் இவர் பத்தாயிரத்திற்கும் மேற்பட்ட காமிக்ஸ் புத்தகங்களை சேகரித்துள்ளார்.



அரிய காமிக்ஸ் புத்தகங்களின் சேகரிப்பாளர்

சூப்பர்மேனின் முதல் காமிக்ஸ் புத்தகம் கோடிகளில் விற்பனையாவதைப் போலஉலக அளவில் பல முக்கியமான காமிக்ஸ் இதழ்களின் முதல் புத்தகத்தை இவர் சேகரித்து வைத்துள்ளார்பிரபலமான கௌபாய் ஹீரோவான டெக்ஸ் வில்லரின் கதையை ஆங்கிலத்தில் வெளியிட நினைத்த ஒரு நிறுவனம்சாம்பிளாக மொத்தமே மொத்தம் 20 பிரதிகளை மட்டுமே அச்சடித்ததுஅந்த இதழ் முதற்கொண்டுடின்டின்னை உருவாக்கிய ஹெர்ஜினின் அச்சில் இல்லாத பிரதி வரைக்கும் இவர் சேகரித்து வைத்துள்ளார்அதைப்போலவேஹெர்மான்மோபியஸ்ஜோ கூபர்ட் ஆகிய காமிக்ஸ் ஜாம்பவான்கள் கையெழுத்திட்ட பிரதிகள்வரை இவரது சேகரிப்பில் இருக்கின்றன.